AP Police Jobs | ఆంధ్ర ప్రదేశ్ లో 20 వేల పోలీస్ ఉద్యోగాల భర్తీకి త్వరలోనే నోటిఫికేషన్

ఆంధ్ర ప్రదేశ్ లో పోలీసు ఉద్యోగాల కోసం ఎదురుచూస్తున్న నిరుద్యోగ అభ్యర్థులకు శుభవార్త ఆంధ్రప్రదేశ్ రాష్ట్రంలో పోలీస్ నియామక ప్రక్రియ సాధ్యమైనంత త్వరగా ప్రారంభించేందుకు కూటమి రాష్ట్ర ప్రభుత్వం కసరత్తు ప్రారంభించింది. ఈ నేపథ్యంలో ఆంధ్రప్రదేశ్ రాష్ట్ర హోం శాఖ మంత్రి శ్రీమతి వంగలపూడి అనిత గారు రాష్ట్ర పోలీస్ శాఖలో ప్రస్తుతం 19,999 ఉద్యోగాలు ఖాళీగా ఉన్నట్లు ఈ సందర్భంగా వెల్లడించారు. తదుపరి వివరాలు సేకరించి ఈ ఉద్యోగాల భర్తీకి త్వరలోనే నోటిఫికేషన్ విడుదల చేస్తే అవకాశముంది.

గత ప్రభుత్వం ఈ పోలీసు ఉద్యోగాలకు సంబంధించి ఆంధ్రప్రదేశ్లో 28 నవంబర్ 2022న 6,100 కానిస్టేబుల్ ఉద్యోగాల భర్తీకి నోటిఫికేషన్ విడుదల చేయడం జరిగింది. ఈ ఉద్యోగాలకు సంబంధించి పరీక్షకు 4,58,219 మంది హాజరు కాగా ఇందులో 95,208 మంది క్వాలిఫై అయ్యారు. ఆ తర్వాత మార్చి 13వ తేదీ నుంచి 20వ తేదీ వరకు ఫిజికల్ ఫిట్నెస్ టెస్ట్ నిర్వహించి షెడ్యూల్ ప్రకారం దాన్ని పూర్తి చేయాల్సి ఉండగా అదే సమయంలో ఎమ్మెల్సీ పట్టభద్రుల ఎన్నికలు ఉండడంతో వాటిని వాయిదా వేయడం జరిగింది. ఆ తర్వాత కొన్ని కారణాలతో కోర్టులో ఈ ఉద్యోగాలకు సంబంధించి అభ్యర్థులు కేసులు దాఖలు చేయడంతో ఈ ఉద్యోగాల భర్తీ ప్రక్రియ ముందుకు సాగలేదు. కాగా కొద్ది రోజుల క్రితమే ఆంధ్రప్రదేశ్ రాష్ట్ర హోం మంత్రి శ్రీమతి వంగలపూడి అనిత గారు ఈ ఉద్యోగాల భర్తీకి సంబంధించి ఆంధ్రప్రదేశ్ డిజిపి సిహెచ్ ద్వారకా తిరుమలరావు మరియు పోలీసు నియాత్మక మండలి చైర్మన్ రామకృష్ణ గారితో ఈ విషయమై పలుమార్లు సమీక్షలు జరపడం జరిగింది.

కాగా తాజా పరిణామాల నేపథ్యంలో గతంలో విడుదల చేసిన 6,100 కానిస్టేబుల్ ఉద్యోగాలకు తోడు మరో 13,899 ఉద్యోగాలు ఖాళీగా ఉన్నట్లు పోలీస్ డిపార్ట్మెంట్ పేర్కొంది. ఈ నేపథ్యంలో మొత్తం 19,999 ఉద్యోగాలు ఖాళీగా ఉన్నట్లు వెల్లడించారు. ప్రస్తుతం పెండింగ్లో ఉన్న ఈ ఉద్యోగాలకు సంబంధించి ప్రభుత్వం త్వరలోనే నోటిఫికేషన్ విడుదల చేస్తే అవకాశం ఉంది.